Аяллын хөтөлбөр:

Өдөр 1. Улаанбаатар – Замын-Үүд

Аялагчид Улаанбаатар Төмөр Замын төв буудалд 15:30 цагт цуглан бүртгүүлж галт тэргэндээ суун 16:40 цагт Замын-Үүд чиглэлд галт тэрэг хөдөлснөөр аялал эхэлнэ. Энэ шөнө галт тэргэндээ хонож маргааш өглөөний 07:20 цагт Замын-Үүд өртөөнд бууна.

Өдөр 2. Замын-Үүд – Эрээн – Хөх хот

Замын-Үүд өртөөнд буусан даруйдаа хил гарах улс хоорондын автобусанд шилжин сууж БНХАУ-ийн Эрээн хот руу хил нэвтрэн гарсны дараа өдрийн хоолоо иднэ. Эндээс автобусандаа суун Хөх хот руу 5 цаг орчим явна. Орой нь зочид буудалдаа байрлан амарна. 

• Оройн хоол

Өдөр 3. Хөх хот – Чанжи – Taihang Grand canyon

Өглөө эртлэн босож Хөх хотоос 06:45 – 07:50 цагийн нислэгээр Чанжи хот руу нисэж очно. Чанжи хотоос аяллын автобусандаа суун Grand canyon-н аялалдаа гарна. Энд Тоорын хөндийн цэцэрлэгээр зугаалж, 300м-н өндөрт байрлах Хадан хавцлын шилэн гүүрээр алхах, Азийн хамгийн өндөр хавцал дээрх шилэн тавцанд гарах, Sky zipline-р гулсах зэрэг олон сонирхолтой адал явдалт байгалийн аялал хийнэ. Үргэлжлүүлэн Хан үндэстний тосгоны шөнийн үзэмжтэй танилцана. Орой нь их хавцлын дэргэдэх ресортод байрлан амарна. 

• Өглөөний цай
• Оройн хоол

Өдөр 4. Чанжи – Tongtianxia Тэнгэрийн уулсын аялал

Өглөөний цайны дараа Тэнгэрийн уулсын аялалдаа гарна. Энэ хавцалд Есөн хүрхрээт хавцлууд, хавцал дундуурх завин аялал, зүрхэн хэлбэрт тэнгэр, Азийн хамгийн эгц 43.5 градус налуутай Cable car-д сууж Тэнгэрийн уулсын оргилд гарна. Мөн уулсын оргил дээрх хавцлын ирмэгт байрлах шилэн гүүр болон Их уулын орой дээрх шилэн тавцанд гарах болно. Үдээс хойш Чанжи хотын руу хөдөлж зочид буудалдаа байрлана. Орой нь шөнийн Чанжи хоттой танилцан зугаалж төв талбай дээрх усан оргилуурын гайхалтай шоу үзэж сонирхоно. 

• Өглөөний цай
• Оройн хоол

Өдөр 5. Чанжи – Хөх хот 

Өглөөний цайны дараа 14 цаг хүртэл чөлөөт цагтай. Аялагчид энэ үед нэмэлт төлбөртэй үзвэр эсвэл шоппинг хийх зэрэг өөрийн сонирхсон зүйлсээ хийн өнгөрүүлж болно. 14 цагаас Чанжи хотын онгоцны буудал руу явж 16:00 – 17:10 цагийн нислэгээр Хөх хот руу нисэж зочид буудалдаа байрлан амарна. Оройдоо Хөх хотод шоппинг хийх боломжтой.

• Өглөөний цай
• Оройн хоол

Нэмэлт төлбөртэй үзвэр: /аль нэг үзвэрээс сонгон үзэх боломжтой/

1. Далайн аквариум – 100¥
2. Усан парк – 100¥
3. Хүүхдийн парк – 100¥ 

Өдөр 6. Хөх хот – Эрээн – Замын үүд

Өглөөний цайгаа эртлэн уугаад Эрээн хотын зүг замдаа гарна. Эрээн хотод ирээд өдрийн хоолоо идэж 2 улсын хил нэвтрэх автобусандаа суун Замын-Үүдэд ирнэ. 18:05 цагт Замын-Үүд – Улаанбаатар чиглэлийн гал тэргэндээ сууж Улаанбаатар хотын зүг хөдөлнө.

• Өглөөний цай

Өдөр 7. Улаанбаатар

09:20 цагт Улаанбаатар Төмөр Замын төв буудалд бууснаар дурсамж дүүрэн аяллаа дуусгана.